23rd August 2008

ކީރިތި ޤުރްއާނުގެ އާ ދިވެހި ތަރުޖަމާ ރައީސުލްޖުމްހޫރިއްޔާގެ އޮފީހުގެ ވެބްސައިޓުގައި ޝާއިޢުކުރައްވައިފި

ކީރިތި ޤުރްއާނުގެ އާ ދިވެހި ތަރުޖަމާ ރައީސުލްޖުމްހޫރިއްޔާގެ އޮފީހުގެ ވެބްސައިޓުގައި ޝާއިޢުކުރައްވައިފިއެވެ. މިތަރުޖަމާ ވެބްސައިޓުގައި މިޝާއިޢުކުރެއްވީ، ތަރުޖަމާ ވިދާޅުވާން ބޭނުންފުޅުވާ ފަރާތްތަކަށް ތަރުޖަމާ ވިދާޅުވެވޭނެގޮތް ހަމަޖެއްސެވުމަށްޓަކައެވެ. ރައީސުލްޖުމްހޫރިއްޔާގެ އޮފީހުގެ ވެބްސައިޓުގެ އެޑްރެހަކީ، ޑަބްލިޔޫޑަބްލިޔޫޑަބްލިޔޫ ޑޮޓް ޕްރެޒިޑެންސީމޯލްޑިވްސް ޑޮޓް ގަވް ޑޮޓް އެމްވީ www.presidencymaldives.gov.mv އެވެ. 
 

ކީރިތި ޤުރްއާނުގެ އާ ދިވެހި ތަރުޖަމާގެ ސޮފްޓް ކޮޕީ، ރާއްޖޭގެ ރޭޑިޔޯ ސްޓޭޝަންތަކަށާއި، ޓީވީ ސްޓޭޝަންތަކަށްވެސް ރައީސުލްޖުމްހޫރިއްޔާގެ އޮފީހުން މިހާރުވަނީ ފޮނުއްވާފައެވެ. އަދި ކީރިތި ޤުރްއާނުގެ އާ ދިވެހި ތަރުޖަމާގެ ކޮޕީއެއް، ރާއްޖޭގައި މީހުން އުޅޭ ކޮންމެ ގޭބީސީއަކަށް، ހަދިޔާ ކުރައްވާ ގޮތަށް ސަރުކާރުންވަނީ ހަމަޖައްސަވާފައެވެ.